Моето парче Рај

Одблесокот од твоите очи
ја засени светлината на сонцето
ми ги магепса очите
ми го зароби срцето;
насмевката од твоите усни
ги прекри сите ѕвезди на небото
ми се врежа во мислите
ми се всели во паметот;
мирисот на твојот парфем
ги засени сите цвеќиња на светот
ми се вкорени во кожата
те чувствувам насекаде.
Твојата кожа, нежна како свила
образите црвени како крв
твоите раце
ги чувствувам на мојот врат
на моето лице
како божествено ме допираат
додека твојот глас
ми го поматува умот.
Не се искажува со зборови
љубовта што ја чувствувам
што ја имам во мене
како подарок
бесценет подарок за тебе.
Бакнеж посладок од мед
од твоите усни
како печат на моите.
Твоја сум, веќе ничија,
засекогаш.
Те погледнав во очите
пламен на нескротлива љубов
жарче на вечна среќа.
Знаев,
ти си моето парче Рај
моето парче Пекол,
кое засекогаш ми припаѓа
само мене!